廣東話聆聽~麥兜的午餐

#高級廣東話聆聽 麥兜的午餐
＃點餐用語

你們在香港的茶餐廳會點菜嗎? 如果你能說完幾句台詞，保證你點餐無難度。

對白如下
麥兜：我好肚餓啊!
麥太：得啦! 今日個午餐係乜嘢呀?
夥計：都係嗰啲嘢啦。
麥太：即係乜野啊？
夥計：普普通通家常便飯咁啦 。
麥太：點家常法啊？
夥計：哦，咪又係嚟嚟去去，有啲肉啊，有啲菜啊，撈埋撈埋打個生粉獻上去，嗰啲嘢咁囉，你想跟飯定跟意粉啊？
麥太：跟乜野姐？你都無講過午餐係乜 。
夥計：咁都係嗰啲嘢架啦，廿零蚊個餐，又湯又盛，唔通有得你食天九翅咩？求求其其有啲肉有啲菜、蛋白質、澱粉質，撈撈埋埋打個白汁、茄汁、黑椒汁咁，撐得你懵口懵面，咪lui返去返工返學返廠返寫字樓囉，唔係你估真係搵餐晏仔咁簡單呀。咁跟飯定跟意粉啊？
麥兜：媽媽，我想跟飯啊 。
麥太：跟乜野飯姐？食乜都未知啊 ！
夥計：都估到啦，黎黎去去咪又嗰幾味野 。
麥太：邊幾味野啊？
夥計：咁都係嗰啲豬肉牛肉、瓜瓜菜菜、 粟米肉粒、 雙腸蛋飯、 窩蛋牛飯、 生炒牛飯、 梅菜魭魚、 味菜鮮魷 、香茅豬扒、 葡汁海跟飯或意粉、 三絲炒瀨、 時菜斑球、 香煎龍鯏、 沙爹牛河、 吉列斑塊、 涼瓜煮魚、 鮮茄牛飯、 炒貴刁、 咖喱雞、 芙蓉蛋、 俄羅斯牛肉、 夏威夷雞扒、 焗葡國雞飯、 豉椒排骨、 肉醬意粉、 宮寶雞丁跟飯或意粉 。
麥兜：媽媽，我要宮寶雞“燈”啊
麥太：怕唔怕辣啊，啲宮寶雞丁？
夥計：唔怕，今日午餐無宮寶雞丁 。
麥太：無你又講？
夥計：我舉例姐。
麥太：咁你舉夠未啊？
夥計：差不多啦 。
麥太：差幾多啊？
夥計：都七七八八啦 。
麥太：唔好七七八八啦，你舉埋佢先嘞 。
夥計：咁黎黎去去，又確實不外乎果啲滑蛋蝦仁、 京都排骨、 中式牛柳、 西芹雞柳、 紅燒豆腐、 豉汁排骨、 乾炒牛河、 叉燒煎蛋、魚香茄子、 白汁雞絲跟飯或意粉、 西炒飯、 咕嚕肉、 煙肉蛋、 鹽焗雞、 金沙骨、 紮肉河、 鹹魚雞粒飯、 葡汁焗四蔬、 蜆肉菠菜面、 西西里牛肉、 日式照燒雞、 清湯牛白腩、 鹵水鵝肉拼鹵蛋、 刁草汁焗石斑，拿，仲有燒肉雞雞油雞、 叉油雞、 叉切雞、 雞油雞切雞、 雞叉燒肉、 燒肉叉燒肉、 叉雞叉油雞油雞瀨、 叉燒瀨、 叉燒油雞、 燒鵝瀨、 乳豬飯、 乳豬叉、油雞、 油鴨飯、 油雞米、 叉燒油雞米、 火腩油雞、叉燒米、 油豆腐、 火腩油鴨、 豉油皇炒米，係啵，仲有潤腸啵，好靚啊，我地呢度啲潤腸！
麥太：潤腸下哇？好呀，潤腸！咁你即係舉完例啦嘛？
夥計：舉完嘞 。
麥兜：媽媽，我想跟飯啊
麥太：得啦！我問你，今日個午餐到底係乜嘢？
夥計：啊？家下仲午餐？過曬鐘啦。
     (咁就聽日先啦，聽日我諗都係嗰幾味嘢姐。)