高級廣東話聆聽題， 超好笑，超高難度！連香港人也不一定講得好。
麥兜看醫生:吳君如和黃秋生配音。
聆聽問題：
請寫你睇完字冪都唔知系乜既病痛。
聆聽問題：
請寫你睇完字冪都唔知系乜既病痛。
麥太：醫生呀，個小朋友 un 腳呀。
醫生：下？
麥太：我話個小朋友成日 un 腳呀。
醫生：咁... 關我咩事呀？
麥太：你係醫生呀嘛！
醫生：咁點呀？
麥太：咁咪醫囉，內外全科呀嘛你。
醫生：唔好意思，內外全科，唔包 un 腳。
麥太：下？咁內外全科包 啲 乜野架？
醫生：一般野囉！
麥太：點一般法呀?
醫生：普通病囉！
麥太：點普通呀？
醫生：普普通通，頭暈身慶咁囉！
麥太：仲有呢？
醫生：仲有小兒驚風、外感發冷、無名腫毒、外傷骨折、腸胃不適、疴嘔肚痛、四時感冒腰酸背痛、小便不暢、脂肪積聚、性慾減退、大頸泡、大眼肚咁囉！
麥太：仲有冇呀？
醫生：仲有嗰啲 皮膚痕癢、精神緊張、健忘失眠、暗瘡頭皮、痱滋、小腸氣、腎水不足、頭暈耳鳴、口乾舌燥、生蛇、生癬、屁股生瘡、尿頻、雞眼、胃酸過多、膽固醇過高、吐血、嘔奶鼻塞塞嗰啲囉！
麥太：仲有呢？
醫生：仲有發吽哣、發雞盲、發瘟、發 ti 騰、飛蚊症、發耳賺、口淡淡、面青青、生蟲、生漬、車呔肚、鬼鼠肉、拜拜肉、出水痘、生鼓脹、秃頭、大無腦、大眼的
dot、 蚊叮蟲咬、鴨乸腳、 un 腳、主婦手、香港腳...
麥太：啊！你講左 un 腳！
醫生：我幾時有講 un 腳呀？
麥太：我聽住你話 un 腳架啦！
醫生：我先至唔會。
麥太：拿你明明話，發吽哣、發雞盲、發瘟、發 ti 騰、飛蚊症、發耳賺、口淡淡、面青唇白、生蟲、生漬、車呔肚、鬼鼠肉、拜拜肉、出水痘、生鼓脹、秃頭、大無腦、大眼的
dot 、蚊叮蟲咬、香港腳、鴨乸腳、同埋 un 腳喎！
醫生：我點會咁講呀？！
麥太：咁你講咩呀？
醫生：講緊啲普通病囉！
麥太：點普通呀？
醫生：普普通通，傷風咳嗽囉！
麥太：仲有呢？
醫生：仲有嘔黃膽水、夜尿、打乞痴、流鼻涕、扁桃腺炎、腳丫痕癢、骨質疏鬆、胃腩下垂、打思億。
麥太：好似仲有播！
醫生：仲有呢個懵口懵面、戚眉戚眼、耳後見腮、尖寒尖凍、肌肉酸痛、姣私燉篤、風濕骨痛、喉嚨腫痛、攣頭縮頸、腰長腳短、心神恍惚、腳仔軟軟、疴爛 bat 、發牙痕、汗多、潮熱、脫髮、甩毛、前列腺發、大眼的 dot、發吽哣、發雞盲、飛蚊症、發耳賺、髀擘擘、眼睥睥、鬼鼠肉、拜拜肉、痴孖筋、長短腳、鴨乸腳、主婦手、un
un 腳、香港腳...
麥太：拿！又講 un 腳勒！又講勒！
醫生：我睇你真係發耳賺播！
